Traballo para alumnado de 4º ESO

O alumnado de 4º da ESO, despois de coñecer o seu número de aula de EF durante a semana do 2 ao 6 de outubro, presentará durante a segunda semana de outubro (do 9 ao 13 de outubro) o traballo desenvolvido sobre a froita que lles caeu en sorte.

O traballo, presentado en galego normativo e con formato de presentación (Powerpoint ou similar) debe conter, como mínimo, os seguintes apartados:

Folla 1:

Nome da froita, nome completo do/a autor/a, curso e grupo.

Folla 2:

Descrición da froita e variantes da mesma que se poden atopar no mercado do noso país.

Data de consumo recomendada.

Información nutricional: Kilocalorías cada 100 gramos, cantidade de nutrientes (proteínas, graxas e hidratos de carbono que contén en 100 gramos).

Folla 3:

Información relativa ás vitaminas e aos minerais dos que teña maior cantidade (indicando a cantidade por 100 gramos) e explicación dos beneficios para a saúde que supón ese contido en vitaminas e minerais.

Folla 4:

Referencias da bibliografía ou webgrafía que se manexou para elaborar textos e imaxes.

Por favor, empregade un formato de presentación co fondo branco e letras negras ou azuis para facilitar a lectura e pasade os textos por un procesador con corrector para asegurarvos de que non conteñen erros ortográficos ou gramaticais.
Os traballos podedes entregalos no mail valledxt@gmail.com indicando no ASUNTO o seguinte: 4 ESO (letra do grupo) e nome completo- con dous apelidos- do/a autor/a.

Ánimo, cando rematedes xa teredes un dos traballos teóricos da materia feitos!

Distancias e velocidades de trote "cómodo"

O alumnado que realizou a actividade de carreira por parellas poderá atopar a súa velocidade de carreira continua “suave” na seguinte lista:

Durante 6 minutos corremos por parellas, relaxadamente e falando, ao remate anotamos o número de voltas que demos nese tempo:

2 voltas = 666 metros = tardarían 9 minutos en percorrer  1000 metros = 6´6 Km/hora

3 voltas = 1000 metros = tardan 6 minutos en percorrer  1000 metros = 10 Km/ hora

4 voltas = 1333 metros = tardarían 4´30 segundos en percorrer  1000 metros = 13´3 Km/hora

5 voltas = 1666 metros = tardarían 3´40 segundos en percorrer  1000 metros = 16,3 Km/hora

Traballo para alumnado de 2º de ESO. Un almorzo saudable

Nesta ventá poderás ver unha presentación na que te explican por que é tan importante almorzar ben e facelo cada día, que características debe ter o teu almorzo e como podes empezar cada día cheo de enerxía.

O almorzo

Se  eres un alumno ou alumna de 2º de ESO, preme na presentación para preparar o traballo sobre o almorzo que deberás de presentar a primeira semana de outubro. A data límite é o 6 de outubro de 2017. No traballo, presentado en word ou arquivo powerpoint ou similar, terás que indicar o seguinte:

1ª folla:

Título: "O almorzo de ..." (seguido do teu nome completo, cos dous apelidos)

Curso e grupo no que estudias.

2ª folla:

O almorzo que realizas habitualmente durante a semana, é dicir, os días que ves ao instituto.

3ª folla:

Como podes mellorar o teu almorzo, engandindo ou eliminando algúns alimentos, para que teña as calorías e nutrintes axeitados segundo indica a presentación.

4ª folla:

Se consultaches algún documento, libro, revista ou web para facer o traballo, a referencia bibliográfica ou webgrafía do que consultaches.
Podes enviar o teu traballo ao e-mail valledxt@gmail,com indicando no ASUNTO  do correo os seguintes datos:
2 ESO (letra do teu grupo) e nome completo con dous apelidos

Ideas garrafales!

Neste arquivo do laboratorio "Activilandia" os responsables da estratexia NAOS preséntanche ata 10 ideas absurdas ou conductas que deberías evitar  para mellorar a túa alimentación e os teus hábitos saudables. Bota un vistazo premendo sobre o enlace!

Ideas garrafales!

Traballo para alumnado de 3º de ESO. O quecemento

O departamento de Educación Física do IES Milladoiro achega esta unidade didáctica sobre o quecemento que vos aportará información básica sobre o mesmo e un modelo de traballo para que aprendades a deseñar a vosa persoal rutina en función das vosas características e da actividade que teñades programado facer despois. Ánimo!
O guión de traballo PROPOÑO O MEU QUECEMENTO serviravos para ter unha guía. Deberedes entregar os traballos en arquivos de Powerpoint ou similares e podedes incluír as imaxes e textos que queirades sempre que no capítulo final indiquedes as referencias, é dicir, de que libros ou  páxinas webs sacáchedes a información. Lembrade que os buscadores (tipo google ou yahoo) non son referencias, son a ferramenta coa que buscades as webs ou imaxes que vos interesan.
Este traballo forma parte da avaliación teórica de 3º de ESO. A data límite de entrega será o 6 de outubro de 2017.
Os traballos podedes remitilos ao mail valledxt@gmail.com indicando no asunto os seguintes datos:
3 ESO (letra do voso grupo) e nome completo do/a autor/a (cos dous apelidos).
Pinchade no enlace para ver o tema e o guión do traballo

O QUECEMENTO

Ánimo! Cando entreguedes este traballo teredes feita unha parte da asignatura nesta avaliación.