Na presentación seguinte poderás coñecer un pouco mellor este deporte e verás figuras e pirámides de dúos, tríos, quintetos e grandes grupos. Serviranche para ir preparando o traballo final desta Unidade Didáctica.
O Acrosport. Características xerais.
Tamén podes ver unhas notas que che axudarán a elaborar unha coreografía grupal.
Pasos para elaborar unha coreografía
Lembra que o exercicio de acrosport non só se debe compor de figuras e pirámides, senón que se valorarán os elementos coreográficos como a distribución no espazo dos executantes (formacións); os cambios de disposición no espazo ou evolucións (poden ser pasos de baile, preacrobacias, movementos ondulatorios...); as pre-acrobacias ou acrobacias que se inclúan no exercicio; as coordinacións (sincronizacións e secuencias) e, EN TODO MOMENTO, a capacidade para seguir o RITMO da música que escollíchedes. Outros elementos que vos axudarán a vestir a vosa coreografía son os escenográficos (vestiario, maquillaxe, luz, outros elementos que se introduzan na escena...). finalmente, non esquezades que este exercicio ten un obxectivo EXPRESIVO: tentade transmitir a través da expresión corporal e dos xestos un estado de ánimo, unha idea, unha situación, etc... ou simplemente tratade de crear un efecto estético.
Neste vídeo poderás ver unha coreografía sinxela na que maquillaxe, vestiario e uns pasos básicos de danza permiten presentar un traballo orixinal. Como vedes, non é preciso ter nocións avanzadas de danza para poder encher o voso exericio de acrosport con ideas e elementos coreograficos e escenográficos:
