HABILIDADES XIMNÁSTICAS PARA 2º DE ESO

No vídeo seguinte, elaborado por estudantes de 2º de Ciencias do Deporte, poderás ver como se executan algunhas habilidades motrices específicas da ximnasia e como realizar axudas durante o proceso de aprendizaxe. Algunhas delas podes practicalas sobre unha alfombra pequena ou esterilla. Outras dependerán do espazo do que dispoñas e de se tes axudantes.
Lembra quentar sempre antes de realizar os exercicios, facer progresións como balanceos ou coelliños antes do exercicio principal. Estirar axudarache a ter mellores execucións e a realizar algúns exercicios (como as volteretas pernas abertas) con máis facilidade.
Na entrada sobre "Exercicios de ximnasia. Indicacións e correccións" podes atopar información para recordar como se fai cada exercicio, en que te debes de fixar e que erros debes de evitar. Consúltaa.
Fíxate ben na execución e, especialmente, nas axudas e a forma de realizalas. E lembra:

1. NON tentes experimentar habilidades que non experimentaras ainda e suficientemente na clase, POR EXEMPLO, SALTO INTERIOR, MORTAL OU FLIC-FLAC.
2. NON realices ningunha actividade sen material de apoio e medidas de seguridade!
3. Podes realizar vídeos co teu móbil para ir corrixindo os defectos que poidas ver.

EXERCICIOS DE XIMNASIA. INDICACIÓNS E CORRECCIÓNS

Nesta entrada podes atopar unha relación de habilidades específicas da ximnasia artístico-deportiva. Para mellorar na súa execución podes premer no enlace e abrir a presentación na que atoparás unha imaxe seriada de cada habilidade, unha descrición de como se realiza, como realizar as axudas precisas e unha indicación dos erros máis habituais na execución para que poidas detectalos e evitalos.

LEMBRA:

1. Antes de empezar, SEMPRE, quentar!
2. SEGURIDADE ante todo!
3. Non realices exercicios para os que non dispoñas de material e axudas apropiados.
4. Segue as progresións que aprendiches na clase, pasando de exercicios máis sinxelos a outros cada vez máis complicados.
5. NUNCA realices so un exercicio no que non te sintas seguro.

Preme no enlace e mira cada habilidade con detenemento. Fíxate nos erros a evitar e na forma de realizar as axudas para ter máis seguridade:

Habilidades Ximnásticas Básicas