COMO ESTOU DE FORMA CARDIOVASCULAR? TEST PARA TOD@S

Neste pequeno vídeo que vos colgo atoparedes un dos test máis populares para coñecer o noso estado de forma cardiovascular. 

É moi sinxelo, pódese facer en case calquera lugar e daravos información sobre a resposta cardíaca ao exercicio e sobre a vosa capacidade de recuperación.
A tarefa de hoxe é realizar o test e anotar os resultados para calcular o voso índice de condición física. Precisaredes un cronómetro, un metrónomo (podedes descargar unha aplicación gratuita no móbil ou buscar un na rede. Poñédeo a 40 repeticións por minuto e sonará coa cadencia que precisades para facer o test).

Realizade os agachamentos ou sentadillas ao ritmo que vos marca o metrónomo.

Tomade antes a vosa Frecuencia Cardíaca en repouso (P1) despois de estar sentados ou tumbados uns minutos.

Tomade a FC xusto ao remate do exercicio (P2) durante 15", multiplicádea por 4 e anotádea.

Despois deixade pasar un minuto e tomádea de novo (P3) durante 15" multiplicándo de novo por 4.
Empregade a fórmula que vos indica o vídeo ((P1+P2+P3)-200 /10 = I para establecer cal é o voso nivel. 

Se I = ou < 0 rendemento cardiovascular (CV) excelente (propio de atletas).
Se I = entre 0,1 e 5 rendemento CV bo.
Se I = entre 5,1 e 10 rendemento CV medio.
Se I = entre 10,1 e 15 rendemento CV insuficiente.
Se I = entre 15,1 e 20 rendimiento CV malo (require repetición e, se persiste, avaliación médica).

Cando rematedes de facer o test, non esquezades cubrir o voso cuestionario Ruffier-Dickson e envialo. Así a tarefa desta semana estará feita:

CUESTIONARIO RUFFIER-DICKSON

Ao remate da avaliación teredes a oportunidade de volver a facelo intentado mellorar os vosos resultados. Lograrédelo facendo un pouco de traballo cardiovascular cada día.

Non esquezades facer exercicio físico diariamente, estirar concienzudamente, comer máis san e pasar todo o tempo que poidades ao aire libre e en silencio. 

Ánimo, rapaces, unha aperta!

TEST RUFFIER-DICKSON

WORKOUT DE CARDIO PARA FACER 5 MINUTOS DIARIOS. BACHARELATO.

Ola rapaces
Aquí tedes un vídeo cunha proposta de 5 minutos de cardio que vos vai axudar a incrementar o voso gasto calórico diario mentres reforzades o voso corazón.

A proposta é que vaiades incrementando unha serie cada TRES días, é dicir, hoxe facedes unha serie testando cantos exercicios podedes realizar no tempo previsto e venres repetides unha serie tratando de manter o número de repeticións; o luns, dúas series iguais separadas por un minuto de descanso; e o mércores, outras dúas.

As semanas seguintes que ven podedes facer tres series facendo unha suave (un 80% das repeticións feitas no test), unha media (90%) e unha a tope (100%).
En catro semanas (12 sesións) testamos e... a ver se batemos os records!

Cuestionario de inicio de curso 2020-2021

O cuestionario que atoparedes no enlace que hai a continuación serve para recadar os vosos datos e para coñecervos un pouco mellor e saber os voso intereses.

Contestade as preguntas e  non esquezades premer o botón ENVIAR ao remate.

Grazas por axudarme a mellorar a práctica docente.

Cuestionario inicial de EF