RESUCITACIÓN CARDIOPULMONAR (RCP) para 2º de ESO

Non me enviedes os exames! So son para que vos autoavaliedes e saibades que podedes actuar correctamente en caso de emerxencia.

É importante porque cando sucede algo así, non da tempo a recordar nin a pensar. Hai que actuar rápido e ben desde o principio. 

Por iso, repetide tantas veces como precisedes o test ata saber que O FACEDES TODO BEN!

Premede no enlace para visionar a presentación sobre Resucitación Cardiopulmonar. Lede cada diapositiva e anotade as dúbidas que teñades para consultar de novo a presentacion.
Non esquezades que tedes que ler a presentación antes de contestar ao exame. Gardádeo na vosa carpeta portafolio!

RCP 
 

EXAME TEÓRICO DE EDUCACIÓN FÍSICA

Despois de copiar o texto nun arquivo de procesador de texto (Word ou similar), nas preguntas de resposta corta, enche TODOS os espazos. Nalgunhass preguntas tipo test pode haber máis dunha resposta acertada. Nas preguntas tipo test, le detidamente todas as respostas antes de rodear cun círculo a letra/s das que consideres correctas. Garda o teu exame e anota as dúbidas antes de volver ver os vídeos e presentacións.

Nome e apelidos: __________________________________________________________

Curso e grupo: ___________ Data: ____ de abril de 2020

1. Cal é o significado das siglas “PAS” en primeiros auxilios?
   1. ____________________, _____________________ e ____________________
2. Cales destas actitudes son incorrectas en caso dunha PARADA CARDIORRESPIRATORIA cando hai que aplicar as manobras de RESUCITACIÓN CARDIORESPIRATORIA?
   1. Non facer nada. Por que?
   2. Iniciar as manobras de reanimación sempre no mesmo lugar en que se produciu o accidente.
   3. Parar as manobras de resucitación crendo que estamos equivocados nalgún paso.
   4. Empezar a reanimar sen chamar a emerxencias.
3. En caso de que a vítima estea INCONSCIENTE e despois de comprobar que NON RESPIRA, como actuaremos?
   1. Manobra inicial: ____________________________________________________________________
   2. Continuación: ____________________________________________________________________
   3. c. Posición da cabeza/pescozo: ____________________________________________________________________
4. Cal é o mellor ritmo para realizar compresións torácicas? So é certa unha resposta.
   1. Unha compresión por segundo: 60 compresións por minuto.
   2. 160 compresións por minuto.
   3. De 100 a 120 compresións por minuto.
   4. Ningunha das anteriores é correcta.
5. Canto tempo é recomendable realizar compresións torácicas no caso dunha RCP? So é certa unha resposta.
   1. Durante, alomenos, 15 minutos ainda que o suxeito se recupere.
   2. Durante unha hora.
   3. Durante 5 minutos. A partir de aí os danos son irreversibles.
   4. Ata que chegue persoal de emerxencias, o suxeito se recupere ou non poidamos máis.